Wednesday, October 19, 2011

Poguluonon Poh Minsingilo Boros Tokou

Poposogu oku kumaa daa di haro tanganak tongkoro do monuduk daa di tanganak di do boros tokou sondiri pogulu koi monuduk diolo do boros do suai miagal toi boros Malayu om English.
Pinoboros di Dr. Felix Tongkul (toput boros di vice chancellor UMS Proffesor Datuk Seri Panglima Dr. Kamaruzaman Haji Ampon).
Kad sio, tanganak di notudukan moboros do boros molohing diolo lobi asanang do minsingilo do boros do suai soira kagayo. Iti nopo nga okon di Sabah no nga pototongkop do pomogunan.
Jadi mantad baino, tudukan om barasan noh tanganak tokou do Dusun om amu noh atagak iti boros tokou.

2 comments:

  1. Otopot kopio iri tompinai Julius. Nga poingkuro di do monuduk di taanganak nung tinan sondiri nga awu nodi koilo minDusun. Pomitanan nopo nga id upisku. Haro 4 tulun Dusun. Iso Rungus, iso kadazan, iso Dusun Keningau, iso Dusun Tambunan. Boros nopo diolo nga 2 koilo mimboros Malayu no toomod, songulun oubas do Kadayan tu nakasawo do tulun Beaufort om songulun oubas do Inggilis. Nasip tosonong tu insan do sominggu koruba om monongkiboros (mongoDusun) oku di tambalut mantad Tuaran om Tamparuli.

    Mantad dilo, kopurimanaiku do osonong nung haro babasaon doun Dusun id intonit om pomudali oku no do bolog (blog) id 1Dusun

    ReplyDelete
  2. Kopisangan kumaa dia tompinai Francis.
    Hilo dupis ku ogumu nogi tulun Dusun om Tanggara (Kadazan Penampang) om barasan ku nopo yolo do Dusun (ie sopi-Dusun) om mumbal oku nogi moboros Tanggara tu hilo oku gia Penampang poingion om noubas nodi moboros Tanggara.
    Nga ie nawayaan ku hilo poh universiti, ogumu ie tulun Dusun dati do asanangan do moboros Melayu om koilo ie mah do sopi-Dusun. Yoho nopo amu oku ie simbaron gia do Melayu..Dusunan ku nopo. Sansagan ku yolo do moboros do Dusun...nah..Kalabus no Dusun rojak..haro no boros do Melayu kosuang (haro mah dando koroitan id Dusun).
    Bah, umabalan tokou gia do moboros do Dusun nu oilaan toko ie tulun di Dusun...

    ReplyDelete